युक्रेनले गरेको ड्रोन आक्रमणका कारण मस्कोका विमानस्थल बन्द

मस्को । युक्रेनले लगातार ड्रोन आक्रमण ग रुसले बताएको छ । आक्रमणका कारण सुरक्षा सुनिश्चित गर्न घण्टौँसम्म राजधानीका प्रमुख विमानस्थल बन्द गर्नुपरेको समाचारमा उल्लेख छ । यद्यपि हाल सबै खोलिएको रुसको उड्डयन नियामक रोसाभियात्सियाले टेलिग्राममा भनेको छ ।

फरक फरक दिशाबाट आएका कम्तीमा पन १९ वटा युक्रेनी ड्रोनलाई सहरमा पुग्नुअघि नै ध्वस्त पारिएको सामाजिक सञ्जालमार्फत मस्कोका मेयर सेगेई सोब्यानिनले बताएका छन् ।

यसरी खसालिएका ड्रोनहरूमध्ये केही सडकमा झरेको तर यसका कारण हताहत चाहिँ नभएको मेयरले बताए । यो खबरमा अहिलेसम्म युक्रेनले कुनै पनि प्रतिक्रिया जनाएको छैन ।

तर खार्किभका मेयरले चाहिँ रुसले गएको राति ड्रोन आक्रमण गरेको बताएका थिए । रुसको ड्रोन आक्रमणमा एक जना मारिएको युक्रेनको ओदेसा क्षेत्रका गभर्नरले बताएका छन् । रातभरमा आफ्ना सेनाले कुल २६ वटा युक्रेनी ड्रोन ध्वस्त पारेको रुसको रक्षा मन्त्रालयले भनेको छ ।