नीलम ढुंगानाले डा. गुणाकर भट्टको राजीनामा आज गर्लिन् त स्वीकृत ?

काठमाडौं । नेपाल राष्ट्र बैंकको गर्भनर नियुक्तिको सकसमा परेको सत्तारुढ दलले अझै यस विषयमा छिनोफानो लगाउन सकेको छैन । प्रधानमन्त्री केपी शर्मा ओली र उनको नेतृत्वको सरकारलाई टेको लगाईरहेका कांग्रेस सभापति शेरबहादुर देउवाका बीचमा कुरा मिल्न नसक्दा गर्भनर नियुक्ति प्रक्रिया अल्झेको अल्झयै छ ।

नियम कानुन र प्रावधान फलो गर्ने र हेर्ने हो भने गर्भनरको पदावधी सकिनु एक महिना अगाडी नै नयाँ गर्भनर नियुक्तिको काम भईसक्नुपर्ने हो । तर यहाँ गर्भनरको पदावधी सकिएको एक महिना बित्दासम्म नयाँ गर्भनर नियुक्तिको सफारिससम्म हुन सकेको छैन । सिफारिस समितिलाई नाम मात्रको बनाईएको छ । मुख्य निर्णयकर्ता देउवा र ओली बन्न खोज्दा समस्या निम्तिरहेको छ ।

गर्भनरकै विषयमा शनिबार यता लगातार तीन दिन प्रधानमन्त्री केपी शर्मा ओली र काग्रेस सभापति शेरबहादुर देउवाका बीचमा छलफल भईरहेको छ । ओलीले कांग्रेस सभापति देउवा र देउवा पत्नी समेत रहेकी परराष्टमन्त्री डा. आरजु राणा देउवाकै बीचमा गर्भनरका विषयमा एकमत नरहेको देखिएको भन्दै गर्भनर नियुक्ति ढिलाई भएको आफु निकट नेताहरुलाई प्रष्टिकरण दिईरहेका छन् ।

देउवाले डा. गुणाकर भट्टलाई गर्भनर बनाउन चाहेका छन् । ओलीले भने अहिलेकी कायममुकायम गर्भनर नीलम ढुंगानालाई बनाउन चाहेका थिए । तर सत्ता गठबन्धन टिकाउन परेका कारण ओली देउवाको इच्छा पूरा गर्नुपर्ने दवावमा छन् ।

देउवाले डा. गुणाकर भट्टलाई गर्भनर बनाउन चाहेका छन् । ओलीले भने अहिलेकी कायममुकायम गर्भनर नीलम ढुंगानालाई बनाउन चाहेका थिए । तर सत्ता गठबन्धन टिकाउन परेका कारण ओली देउवाको इच्छा पूरा गर्नुपर्ने दवावमा छन् ।

ओलीसँग देउवाले आफु बैंकक जानु अगाडी नै बैशाख २ मा गुणाकर भट्टलाई गर्भनर बनाउन सहमति जनाएको बताएका छन् । तर ओलीले कांग्रेसभित्रै असमझदारी रहेको जस्ता कारण देखाएर नीलमलाई बनाउन भित्री कसरत नगरेका होइनन ।

उनले देउवा दम्पती बिचमा मत नमिलेको भन्दै खेल्न खोजेका थिए । त्यही विषयमा उनले देउवा दम्पतीलाई सँगै राखेर कांग्रेसभित्र एकमत हो ⁄होइन ? भनी प्रश्न समेत गरेका थिए । देउवाले कांग्रेसमा कुनै असमझदारी नरहेको र एकमत रहेको बताएपछि ओलीसङ्ग देउवाले अब कहिले नियुक्त हुन्छन् गर्भनर भनेर डेटलाइन मागेका थिए ।

आइतबारको छलफलको जवाफमा ओलीले बुधबार गुणाकरको राष्ट्र बैंकको कार्यकारी निर्देशक पदको राजीनामा स्वीकृत हुने र बिहिबारको मन्त्रीपरिषद्को बैठकबाट नियुक्ति हुने जवाफ देउवालाई दिएका थिए ।

डा. गुणाकर भट्ट अहिले राष्ट्र बैंकका कार्यकारी निर्देशक छन् । उनले गर्भनर पाउने भएपछि उक्त पदबाट राजीनामा दिएका छन् । तर उनको राजीनामा स्वीकृत भएको छैन । उनको राजीनामा स्वीकृत नहुँदै राष्ट्र बैंकको गर्भनरमा सिफारिस हुन उनलाई कानुनतः मिल्दैन । उनको राजीनामा स्वीकृत अहिले गर्भनरकै रेसमा रहेकी नीलम ढुंगानाको हातमा छ । नीलमले राजीनामा स्वीकृत गरिदिएमात्र गुणाकरलाई गर्भनर बन्न बाटो खुल्ने छ ।

तर आफुसँगै गर्भनरको दौडमा रहेका गुणाकरको राजीनामा नीलमले अड्काएर राखेकी छिन् । ओली र देउवाका बीचमा नीलमलाई कुनै आर्कषक अन्य जिम्मेवारी दिने र गुणाकरको राजीनामा स्वीकृत गराएर गर्भनर बनाउने सहमति छ । त्यस विषयमा नीलमसँग अर्थमन्त्री विष्णु पौडेलले एक चरण छलफल समेत गरिसकेका छन् । नीलमले अर्थमन्त्रीको त्यस्तो प्रस्तावमा मुख खोलेकी त छैन, तर गुणाकरको राजीनामा स्वीकृत गराईदिन उनीमाथी प्रधानमन्त्री, अर्थमन्त्री देखि एमाले नेताहरुसम्मको दबाब छ ।

ओलीकै गृहजिल्ला झापाकी नीलमले देउवालाई दिएको डेटलाइन अनुसार आज गुणाकरको राजीनामा स्वीकृत गर्लिन् या नगर्लिन् ? प्रतिक्षाको विषय छ ।

देउवा र ओलीका बीचमा भने आज नीलमबाट डा. गुणाकर भट्टको राजीनामा स्वीकृत गराउने, त्यसपछि गर्भनर नियुक्तिको सिफारिस गर्न बनेको सिफारिस समितिको बैठक बस्ने र समितिमार्फत गुणाकरको नाम सिफारिस गर्न लगाउने रोडम्याप बनेको छ । त्यसरी नाम सिफारिस भएपछि भोलि बिहिबार बस्ने मन्त्रिपरिषद्को बैठकले गर्भनर नियुक्ति गर्ने देउवा र ओलीको बीचमा सहमति छ