युक्रेनको विश्वविद्यालयमा भएको रुसी आक्रमणमा ३४ जनाको मृत्यु

काठमाडौं । रुसी आक्रमणका कारण ३४ जना मारिनुका साथै ११७ जना घाइते भएको युक्रेनी अधिकारीले जानकारी दिएका छन्। सुमी प्रान्तीय विश्वविद्यालय र यसको सभा हलमा स्कान्डर भेरिअन्ट बिलास्टिक मिसाइल प्रहार गरिएको जनाइएको छ।

घटनाका कम्तीमा दुई बालबालिकाको ज्यान गएको तथा १५ जना बलाबालिका घाइते भएका छन्।

राष्ट्रपति भोलोदोमिर जेलेन्स्कीले यस वर्ष जन्मिएका बालिका समेत घाइते भएको बताएका छन्। रुसले यस घटनाका बारे कुनै जानकारी दिएको छैन। युक्रेनले भने विश्वविद्यालयका २० वटा भवन ध्वस्त भएको जनाएको छ।

जेलेन्स्कीले रुस सधैँ युद्धको पक्षमा रहेको तथा कहिले पनि शान्ति नचाहने देश भएको आरोप लगाए। विश्वविद्यालयको कांग्रेस भवनमा बालबालिकाको तामिल तथा कक्षा सञ्चालन हुने गरेको थियो।