सामान्य अंकले बढ्यो सेयर बजार, घट्ने कम्पनीको संख्या धेरै

काठमाडौं । सेयर बजार आज सामान्य अंकले बढेको छ । नेपाल स्टक एक्सचेञ्जका अनुसार आज बजार परिसूचक नेप्से ३.३५ अंकले बढेको हो । योसँगै बजार परिसूचक २७०३.३९ अंक पुगेको छ । आज बजारमा ७ अर्ब ७४ करोड रुपैयाँ बराबरको कारोबार भयो ।

बजार बढे पनि आज बजारमा मूल्य घट्ने कम्पनीको संख्या धेरै देखिएको छ । आज बजारमा १५१ कम्पनीको मूल्य घटेको ९३ कम्पनीको मूल्य घटेको छ ।

त्यस्तै बजारमा आज १३ परिसूचकमध्ये ९ वटा परिसूचक घटेको छ भने ४ वटा बैंकिङ, हाइड्रो, निर्जीवन बीमा र अन्य समूहको परिसूचक मात्रै बढेको छ । अन्य सबै समूह घटको छ  । आज बजारमा धेरै पुँजीकरण भएका हिमालयन रिइन्स्योरेन्स तथा नेपाल पुनर्बीमा कम्पनीको मूल्य बढेकोले समग्र परिसूचक बढेको देखिएको हो ।

बजारमा आज ग्रीन भेञ्चरको मूल्यमा सकारात्मक सर्किट लागेको छ । कारोकार रकमका आधारमा पनि आज हिमालयन रिइन्स्योरेन्स र नेपाल पुनर्बीमा कम्पनी अगाडी रहेका छन् । ती कम्पनीको कारोबार ७१ र ५५ करोड रुपैयाँले भएको थियो ।