एनपीएलमा चितवन राइनोजले बनायो प्लेअफमा स्थान पक्का

काठमाडौँ। नेपाल प्रिमियर लिग (एनपीएल) मा काठमाडौँ गुर्खाजले विराटनगर किंग्सलाई झिनो अन्तरले पराजित गरेसँगै चितवन राइनोजले प्लेअफमा स्थान बनाएको छ ।

समान ८ अंक रहेको चितवन रनरेटका आधारमा प्लेअफमा स्थान पक्का गरेको छ । काठमाडौं र चितवनले समान ४ खेलमा जित र ३ खेलमा हार बेहोरेका छन् ।

रन रेटका आधारमा चितवन प्लेअफमा पुग्दा काठमाडौं भने कर्णाली र सुदूरपश्चिमको खेललाई पर्खनुपर्नेछ । सुदूरपश्चिम र कर्णालीको पनि समान ८ अंक छ । सुदूरपश्चिमले दुई र कर्णालीले एक खेल खेल्न बाकी छ ।

विराटनगरमाथि जित निकालेको काठमाडौँको प्लेअफमा पुग्ने सम्भावना झिनो छ । अब सुदूरपश्चिम रोयल्स, कर्णाली याक्स र काठमाडौँबिच दुई टोली प्लेअफमा पुग्नेछन् ।