विश्नोइको नाममा राष्ट्र बैंकका उच्च अधिकृतलाई धम्की

काठमाडौ । भारतीय आपराधिक समूहका नाइके लरेन्स विश्नोइको नाममा राष्ट्र बैंकका उच्च अधिकृतलाई समेत धम्क्याएको पाइएको छ । 

सो अभियोगमा हरिचन्द्र फुयाल पक्राउ परेका छन् । भारतीय टेलिकम कम्पनी एयरटेलको दुईवटा सिम लिएर उनले ह्वाट्सएपमार्फत नेपालका व्यवसायीहरूलाई धम्की दिएका हुन् ।

फुयलले ५ घण्टादेखि २४ घण्टासम्मको अल्टिमेटम दिएर व्यवसायी र बैंकरहरुलाई धम्की दिँदै प्रसाईं नेतृत्वको दुर्गा प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाउ महाअभियानलाई सहयोग नगरे सिध्याउँछु भन्ने गरेका थिए ।

उनीमाथि थप अनुसन्धान भइरहेको केन्द्रीय अनुसन्धान ब्युरोले जनाएको छ ।