राष्ट्रियसभा बैठक बस्दै, यस्तो छ सम्भावित कार्यसूची

काठमाडौँ । सङ्घीय संसद्अन्तर्गत राष्ट्रियसभा बैठक पनि आज बस्ने भएको छ ।  दिउँसो १:१५ बजे सङ्घीय संसद् भवनमा बैठक बस्नेछ । 

संसद् सचिवालयले सार्वजनिक गरेको बैठकका सम्भावित कार्यसूचीमा राष्ट्रपतिबाट भएको संशोधनको प्रति टेबुल गर्ने, प्रधानमन्त्री तथा मन्त्रिपरिषद्को कार्यालयबाट प्राप्त पत्रबारे जानकारी गराउने, राष्ट्रपतिको सम्बोधनका लागि ‘धन्यवाद प्रस्ताव’ प्रस्तुत गर्ने, सञ्चारमन्त्रीले मिडिया काउन्सिल विधेयक पेस गर्ने लगायत ६ कार्य बुँदामा सूची उल्लेख छन् ।

नेपाली कांग्रेसले राष्ट्रियसभा बैठकमा पनि अवरोध गरिरहेकोले सदन सुचारु हुनेमा भने आशङ्का कायमै छ ।