एकल महिलालाई करणी गरेपछि 'ब्ल्याकमेल' गर्ने एक जना पक्राउ

बुटवल । रूपन्देहीमा एक एकल महिलालाई जबरजस्ती करणी गरेको भिडियो खिचेर ब्ल्याकमेल गरेको आरोपमा एक जना पक्राउ परेका छन् ।

लुम्बिनी सांस्कृतिक नगरपालिका निवासी ती महिलाको घरमै गएर जबरजस्ती करणीगरी भिडियो खिचेर आफूले भनेअनुसार नगरे सार्वजनिक गरिदिने धम्की दिने बुटवल उपमहानगरपालिका-११ का सिद्धार्थ गुरुङलाई रूपन्देही प्रहरीले पक्राउ गरेको हो ।

जिल्ला प्रहरी कार्यालय रूपन्देहीका प्रमुख रञ्जीत सिंह राठौरले गुरुङलाई जबरजस्ती करणीको मुद्दा दर्ता भएर अनुसन्धान अघि बढेको लोकान्तरलाई बताए । ‘पीडित महिलाले दिएको उजुरीउपर अनुसन्धान चल्दैछ, अनुसन्धान सकेर मुद्दा अदालतमा जान्छ ।’ पीडित महिलाले पैसाको आडमा मुद्दालाई प्रभावित पार्न खोजेकोसमेत आरोप लगाएकी छिन् । 

पटक पटक करणी गरी आफ्नो ५ करोडको सम्पत्तिसमेत लगेको ती महिलाले दाबी गरेकी छन् ।

पक्राउ परेको गुरुङ प्रहरी हिरासतमा नभई सिद्धार्थ सिटी अस्पतालमा बसेका छन् ।