प्रधानमन्त्री अस्थिरताको पक्षमा रहेको प्रदीप पौडेलको दाबी

काठमाडौँ । नेपाली काँग्रेसका सांसद प्रदीप पौडेलले प्रधानमन्त्री पुष्पकमल दाहाल ‘प्रचण्ड’ले एक वर्षभित्र तेस्रो पटक विश्वासको मत लिएर अस्थिरता देखाएको बताएका छन्।

बुधवार प्रतिनिधि सभा बैठकपछि सञ्चारकर्मीहरूलाई प्रतिक्रिया दिँदै सांसद पौडेलले प्रधानमन्त्री अस्थिर भएको दाबी गरे । उनले एक वर्षमा तीन पटक विश्वासको मत लिएर प्रधानमन्त्री अस्थिरताको पक्षपाती भएको दाबी गरे।

उनले गठबन्धनहरू प्रधानमन्त्रीको कारण नभई अरूको कारणले टुट्नुपर्ने भए पनि नेपालमा भने प्रधानमन्त्रीकै कारण गठबन्धनहरू टुट्ने गरेको बताए। उनले वर्तमान सत्तारुढ गठबन्धन पनि धेरै समय स्थिर नहुने दाबी गरे।