काठमाडौँ । अर्थमन्त्री डा.प्रकाश शरण महतले आफूले प्रधानमन्त्रीसँग छलफल गरेर नै बजेटको अनुमानित खर्चको आकार घटाइएको दाबी गरेका छन् ।
बुधबार बजेटबारे प्रस्ट पार्न मन्त्रालयमा पत्रकार सम्मेलन गर्दै अर्थमन्त्री महतले प्रधानमन्त्रीसँग छलफल र समन्वय गरेर नै बजेटको अनुमानित खर्चको आकार घटाएको दाबी गरेका हुन् ।
त्यस्तै उनले अर्थमन्त्री डा.महतले खर्चको आकार घटाउने सवालमा प्रधानमनत्रीसँगको समन्वयमै भएको जिकिर गरे ।
‘बजेटको विषयमा सिस्टम भित्र घनिभूत छलफल हुन्छ । प्रधानमन्त्रीसँग, अर्थमन्त्रालयभित्र स्वच्छ वृहत् छलफल हुन्छ । प्रधानमन्त्री आफ्नो विचार राख्नुहुन्छ र हामीले पनि आफ्नो भनाइहरू राख्छौँ । यसै बजेटको सिलिङ वा आकार घटाउने भन्ने हुँदैन’ अर्थमन्त्रीले महतले भने, ‘अहिले बजेट खर्चको अनुमान घटाउँदा प्रधानमन्त्रीसँग वृहत् छलफल भएको छ । विषयलाई अतिरञ्जित गरिदिनु भएन ।’
माघ २९ गते अर्थमन्त्री महतले अर्धवार्षिक समीक्षाका क्रममा २ खर्ब २१ अर्ब बजेट घटाउने बताएका थिए । बजेट घटाएको विषयमा प्रधानमन्त्री पुष्पकमल दाहाल प्रचण्डले असन्तुष्टि जनाएको समाचार रातोपाटीले प्रकाशित गरेको थियो । त्यसलगत्तै उनी आफ्नो बचाउमा उत्रिएका हुन् ।
बजेट कार्यान्वयनका सवालमा राष्ट्रिय योजना आयोगले दिएको सुझावलाई समेत अर्थ मन्त्रालयले विशेष अध्ययन र मनन् गर्ने गरेको अर्थमन्त्रीले बताए ।
प्रतिक्रिया दिनुहोस
सफल खबर संवाददाता
शुक्रबार, ०४ फागुन २०८०, १२ : २८
लेखकबाट थप
सम्बन्धित समाचारहरु
नेपाल र चीनबीच दुई महत्वपूर्ण सम्झौतामा हस्ताक्षर
आगामी आर्थिक वर्षको बजेटबारे अर्थमन्त्रीले लिए ७ पूर्वअर्थमन्त्रीसँग सुझाव
१४ अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
राजनीतिक सहमतिमै अध्यादेश ल्याइएको हो, कसैको विरोध छैनः अर्थमन्त्री पुन
माथिल्लो अरुणको वित्तीय व्यवस्थापन विश्व बैंकले गर्ने सैद्धान्तिक सहमति
अर्थमन्त्री पुन वासिङ्टन डिसीमा