जनताको आशा नै रास्वपासँग छ : रवि लामिछाने

काठमाडौँ । राष्ट्रिय स्वतन्त्र पार्टीका सभापति रवि लामिछानेले मिसन नै बनाएर गरेको आक्रमणलाई आफूले नटेर्ने बताएका छन् । काठमाडौँमा आयोजित एक कार्यक्रममा बोल्दै जनतासँग रास्वपाप्रति आशा भएकाले नै प्रश्न गरेको बताए ।

उनले भने, ‘अहिले जनताको आशा नै रास्वपासँग छ । आशा नै नभएको दललाई अहिले कसले प्रश्न सोध्छ ? पुराना दलले घुस खायो भन्दा कुनै चासोको विषय नै बन्दैन । खान्थे खाए भन्छन् । तर, हाम्रा माननीयहरूको कहीँ सानो कुरा आउँदा पनि कत्रो समाचार बन्छ । हामीलाई खेदेको होइन । रास्वपाप्रति आशा र भरोसा भएकाले यिनीहरू पनि बिग्रिएका हुन् कि हामीलाई सच्चिने ठाउँ दिएको हुनसक्छ । मिसन नै बनाएर गरेको आक्रमणलाई त म टेर्दा पनि टेर्दिनँ ।

उनले आशा र भरोसासहित गरेको प्रश्नको सम्मान गर्ने बताए । रविले थपे, ‘आज त्यही प्रश्नकै कारणले हामीबाट कहीँ गल्ती हुन्छ कि भनेर सडक, सदन र समितिमा शब्द नापेर हामीले काम गरिरहेका छौँ । तीनै प्रश्नले हो । प्रश्न सोध्न नछोड्नुहोस् ।’