गाँजा मिसाइएको केक तथा कुकिज तयार गर्ने २ जना पक्राउ

काठमाडौँ । लागु औषध गाँजा मिसाएर केक र कुकिज तयार गर्ने कार्यमा संलग्न दुई जनालाई प्रहरीले पक्राउ गरेको छ । सामाजिक सञ्जालमा अकाउन्ट बनाएर अवैध लागु औषध गाँजा प्रयोग गरी केक र कुकिज  बनाई बिक्री वितरण गर्ने  विशेष सूचनाको लागु औषध नियन्त्रण ब्युरोले मंगलबार मोहमद फाजिल र शालोम सादा लेप्चा जैसीलाई पक्राउ गरेको हो । 

उनीह?ले राजधानीको एकान्त कुनामा घर भाडा लिई यस्तो कार्य गर्दै आएको खुलेको छ । खान तलासीको क्रममा प्रहरीले गाँजा १ केजी १०० ग्राम, डाँठसहितको गाँजा १ केजी ५६८ ग्राम, विक्री गर्न तयारी अवस्थाको केक १ केजी ९०० ग्राम, माईक्रोओभन थान १, बिक्री गर्न  तयारी अवस्थाको बटर ९०० ग्राम, बिक्री गर्न तयारी अवस्थाको कुकिज १ केजी उनिहरुले ३२४ ग्राम र डिजिटल तराजु थान १लगायतका विभिन्न सामाग्रीहरु समेत  बरामद भएको प्रहरीले जनाएको छ । 

उनीह?ले विगत १ वर्षदेखि गाँजा मिसावट गरिएका केक र कुकिजका विभिन्न प्रकारहरु बनाई अनलाइनमार्फत डेलिभरी गर्ने गरेको खुलेको छ ।  
यसअघि पनि प्रहरीले गाँजा मिसावट गरी अवैध रुपमा केकको विक्री वितरण गर्ने विशान मानन्धरलाई पक्राउ गरेको थियो । उनी पक्राउ परेसँगै अहिले पक्राउ परेका दुई जनाले पहिले कारोवार गर्दै आईरहेको सामाजिक सञ्जालको पेजलाई परिवर्तन गरी नयाँ कारोबार थालेको खुल्न आएको प्रहरीको भनाइ छ । 
निजहरु उपर व्यूरोले लागु औषध नियन्त्रण ऐन, २०३३ बमोजिम आवश्यक अनुसन्धान थालिएको जनाएको छ ।