एमालेको सचिवालय बैठक शुक्रबार बस्दै

काठमाडौ । नेकपा एमालेले केन्द्रीय सचिवालय बैठक शुक्रबार बस्ने तय भएको छ ।

शुक्रबार १२ बजे केन्द्रीय कार्यालय च्यासलमा बैठक बोलाइएको   एमाले प्रचार विभाग प्रमुख राजेन्द्र गौतमले जानकारी दिए । 

बैठकमा राष्ट्रियसभा निर्वाचन लगायत समसामयिक विषयमा छलफल हुने बताइएको छ ।   एमालेले राष्ट्यिसभा सदस्य निर्वाचनका लागि प्रदेश कमिटीलाई बुधवारभित्र उम्मेदवार सिफारिस गरेर पठाउन निर्देशन दिएको थियो ।

सिफारिस उम्मेदवारहरुबारे शुक्रबारको बैठकमा छलफल गरेर टिकट दिने एमालेको तयारी छ । यहीबीचमा एमालेले सत्ता गठबन्धनसँग सिटबाँडफाँटबारे छलफल समेत अघि बढाएको छ ।