साताको सुन बजार : तोलामा २ हजार रुपैयाँ बढ्यो मूल्य

काठमाडौं। नेपाली बजारमा बितेको ६ दिनमा सुन तोलामा २ हजार रुपैयाँ बढेको छ । गत आइतबार तोलामा १ लाख १७ हजार ८०० रुपैयाँ मा कारोबार भएको छापावाल सुन शुक्रबार कारोबार बन्द हुँदासम्म १ लाख १९ हजार ८०० रुपैयाँ कायम रह्यो । 

नेपाल सुनचाँदी व्यवसायी महासंघका अनुसार सातामा सुनको मूल्यमा सामान्य उदारचढाव रह्यो । जसअनुसार सोमबार १ लाख १७ हजार ८०० अर्थात आइतबारकै मूल्यमा कारोबार रहेपनि मंगलबार १ लाख १८ हजार रुपैयाँमा कारोबार भयो ।

यसैगरी बुधबार १ लाख १९ हजार रुपैयाँमा कारोबार भएको छापावाल सुन बिहीबार पनि सोही मूल्यमा कारोबार हुँदा शुक्रबार भने १ लाख १९ हजार ८०० रुपैयाँ पुगेको हो ।यसैबीच आइतबार १४५५ रुपैयाँ प्रतितोलामा कारोबार भएको चाँदी शुक्रबार १४८५ रुपैयाँमा कारोबार भएको छ ।