काठमाडौं। मेलम्ची खानेपानी विकास समितिले २८ दिन भित्रमा काठमाडौंमा पानी ल्याउने दाबी गरेको छ । समितिले मंगलबार विज्ञप्ति जारी गर्दै आयोजना र ठेकेदार कम्पनीबीच सहमति भएकाले अबको २८ दिनभित्र पानी पथान्तरण गरिसक्ने दाबी गरेको हो ।
समितिका प्रवक्ता राजेन्द्रप्रसाद पन्तले निकालेको विज्ञप्तिमा खानेपानी मन्त्रालयका सचिव सुरेश आचार्यको अध्यक्षतामा बसेको बोर्ड बैठकबाट निर्माण व्यवसायीसँग समझदारीपत्रमा हस्ताक्षर गरी तत्काल निर्माण व्यवसायीलाई साइटमा परिचालनका लागि आवश्यक सहजीकरण र समन्वय गर्ने निर्णय भएको उल्लेख छ ।
सहमति अनुसार निर्माण व्यवसायी सिनोहाइड्रो तत्कालै साइटमा परिचालन हुनेछ र दुई सिफ्टमा काम गरी बढीमा २८ दिनभित्र पानी सुरुङमा पठाउने प्रवक्ता पन्तले जानकारी दिए ।
पथान्तरणपश्चात मेलम्ची नदीको पानी दैनिक १७ करोड लिटरका दरले उपलब्ध गराइने छ र काठमाण्डौं उपत्यका खानेपानी लिमिटेडबाट सुन्दरीजल पानी प्रशोधन केन्द्रमा प्रशोधन गरी काठमाडौं उपत्यकामा वितरणका लागि पुनः उपलब्ध हुने व्यहोरा उपत्यकाबासीलाई जानकारी गराइन्छ ।
गत असारदेखि बन्द मेलम्ची खानेपानी आयोजनाको पानी अझै काठमाडौं आउन सकेको छैन । आयोजनाको बाँधमा धमिलो पानी र बाढी आउन थालेपछि साढे दुई महिनाका लागि मेम्चीको पानी बन्द गरिएको थियो ।
प्रतिक्रिया दिनुहोस
सफल खबर संवाददाता
बुधबार, ०४ पुस २०८०, ११ : १८
लेखकबाट थप
सम्बन्धित समाचारहरु
काठमाडौँमा मेलम्चीको पानी पुनः वितरण सुरु, धाराको पानी खाएर प्रधानमन्त्रीले गरे शुभारम्भ
मेलम्ची खानेपानी मर्मतको काम अन्तिम चरणमा
मेलम्चीको पानी हामीले कहिले खान पाउने भन्दै नेविसंघको प्रदर्शन
मेलम्ची नदीमा आएको बाढीले बगायो अस्थायी पुल र सडक
मेलम्चीको पानी उपत्यकामा पुनः वितरणबारे अझै अन्योल
खानेपानीको स्थलगत अवलोकन गर्न प्रधानमन्त्री प्रचण्ड मेलम्चीमा