पोखरा र लुम्बिनी विमानस्थल सञ्चालन गर्न सरकारले बेवास्ता गर्‍यो : केपी ओली

गोरखा । नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले पोखरा र लुम्बिनी अन्तर्राष्ट्रिय विमानस्थल सञ्चालन गर्न सरकारले बेवास्ता गरेको बताएका छन् । 

आज मध्य पहाडी पुष्पलाल लोकमार्ग अभियानका क्रममा गोरखामा आयोजित अन्तरक्रिया कार्यक्रमलाई सम्बोधन गर्दै उनले चीनलाई पर्यटक ल्याउन आग्रह गर्ने हो भने पनि वार्षिक ५ देखि १० लाख पर्यटक ल्याउन सक्ने भएकोले सरकारले विमानस्थल सञ्चालनमा जोड दिनुपर्ने बताए । उनले सरकारले सार्वभौम सत्ता, स्वाधीनताको र स्वतन्त्रताको उपयोग गर्ने हुती राख्नुपर्ने बताए । 

लिम्पियाधुरा, लिपुलेक, कालापानीको प्रश्न उच्चस्तरका भ्रमणका क्रममा राख्न नसक्ने कुरा देशप्रतिको बेइमानी भएको उनले बताए । अध्यक्ष ओलीले विकासमा कुनै पनि नेपाली भूभाग पछि पर्नु नहुनेमा जोड दिए ।