काठमाडौँ । ५ जना कर्मचारीलाई बढुवा गर्ने निर्णय गरिएको छ । बागमती प्रदेश सरकारले प्रदेश निजामती ऐन २०७९ अनुसार उनीहरूलाई सचिव पदमा बढुवा गर्ने निर्णय गरेको हो ।
प्रदेश सरकारको बुधवार बसेको बैठकले उक्त ऐन अनुसार ५ जना कर्मचारीलाई ११ औँ तहमा बढुवा गरी नियुक्त गरेको हो ।बैठकले स्वास्थ्य तर्फको ४ र शिक्षा सेवातर्फको एक गरी ५ जनालाई ११ औँ तहमा बढुवा गरी नियुक्त गरेको बागमती प्रदेशका प्रमुख सचिव घनश्याम उपाध्यायले बताए । प्रदेश निजामती कर्मचारी ऐन २०७९ अनुसार ११ औँ तहका कर्मचारी प्रदेश सचिव हुने व्यवस्था रहेको छ ।
मन्त्रिपरिषद् बैठकले स्वास्थ्य तर्फ दीपक तिवारी, वसन्त अधिकारी, डा. अर्जुन प्रसाद सापकोटा र डा. नरेन्द्र कुमार झालाई ११ औँ तहमा बढुवा गरी नियुक्त गरेको प्रमुख सचिव उपाध्यायले बताए ।
उनका अनुसार यस अघि नै प्रदेश सरकारको मन्त्रिपरिषद् बैठकले निर्णय गरी उनीहरूलाई ११ औँ तहमा बढुवा गर्ने निर्णय गरेको थियो । तर, अदालतमा मुद्दा परेपछि बढुवा प्रक्रिया रोकिएको थियो । अदालतले उक्त मुद्दाका सम्बन्धी रिट खारेज गर्ने निर्णयसँगै प्रक्रिया अघि बढाइएको हो ।
प्रतिक्रिया दिनुहोस
सफल खबर संवाददाता
बुधबार, २० मंसिर २०८०, १४ : ४३
लेखकबाट थप
सम्बन्धित समाचारहरु
बागमती सरकारबाट बाहिरियाे एमाले
प्रदेश सीटीईभीटी खोल्दै बागमती सरकार
मन्त्रालयगत भागबन्डा मिलाउन कार्यदलको बैठक
बागमतीका तीन जिल्लामा भदौ २२ गते सार्वजनिक बिदा
बागमती सरकारले निर्माण गर्यो ६७ वटा भवन