काठमाडौ। राष्ट्रिय स्वतन्त्र पार्टी (रास्वपा)ले इजरायलमा रहेका नेपाली नागरिकको सुरक्षाको सुनिश्चितता गर्न सरकारसँग माग गरेको छ । प्यालेस्टाइनको चरमपन्थी समूह हमास र इजरायलबीचको जारी संघर्षमा शनिबार इजरायलमा रहेका ९ जना नेपाली घाइते भएपछि रास्वपाले उक्त माग गरेको हो ।
“इजरायलमा रोजगारी र अध्ययनको सिलसिलामा बसोबास गरिरहेका हजारौं नेपाली दाजुभाइ तथा दिदीबहिनीहरूको सुरक्षा अवस्थाबारे हामी अत्यन्तै चिन्तित छौं,” रास्वपाले विज्ञप्तिमा भनेको छ, “परराष्ट्र मन्त्रालय र इजरायलस्थित नेपाली दूतावास इजरायलमा रहेका नेपाली नागरिकहरुसँग सक्रिय सम्पर्क गरी उनीहरुको सुरक्षाको सुनिश्चितता र मानवीय हितको प्रत्याभूति गर्न हामी आग्रह गर्दछौँ ।” इजरायलमा शनिबार बिहान भएको आतंककारी आक्रमणबाट अत्यन्तै दुःखी भएको रास्वपाले जनाएको छ । रास्वपाले इजरायलमाथि हमासले गरेको हमलाको घोर भर्त्सना गरेको छ । आफ्ना जनता र मातृभूमिको रक्षा गर्ने इजरायली जनताको नैसर्गिक अधिकारको सम्मान गर्ने पनि विज्ञप्तिमा जनाइएको छ ।
“इजरायलको यस कठिन घडीमा हामी इजरायलका जनता र सरकारसँग ऐक्यबद्धता जाहेर गर्नुका साथै निर्दोष पीडित परिवारहरुको सुरक्षाका लागि हार्दिक प्रार्थना गर्दछौं,” विज्ञप्तिमा भनिएको छ ।
प्रतिक्रिया दिनुहोस
सफल खबर संवाददाता
आइतबार, २१ असोज २०८०, ११ : १६
लेखकबाट थप
सम्बन्धित समाचारहरु
रास्वपाले बोलायो केन्द्रीय समितिको बैठक
भन्सार महसुल छुटका सवारी साधन २० वर्षसम्म बिक्री गर्न नपाइने
कांग्रेसलाई रास्वपाको जवाफ- कुण्ठाको राजनीति छाडेर आउनुस्, कानूनी रूपमा जाऔँ
इलाम-२ मा उम्मेदवारी दर्ता जारी, रास्वपाले ३ बजे मनोनयन दर्ता गर्ने
कांग्रेसले अब देशको नेतृत्व गर्न पाइँदैन भन्ने डरले विरोध गरिरहेको छ : मन्त्री अर्याल
घण्टी बजाउँदै इलाम-२ मा रास्वपाले मिलन लिम्बुलाई गर्यो उम्मेदवार घोषणा