जनकपुर बि‍ग मार्टमा आगलागी

जनकपुर । जनकपुर बिग मार्टमा आगलागी भएको छ ।

जनकपुरधाम उपमहानगरपालिका-९ स्थित रामानन्द चोकमा रहेको मार्टमा गएराति सवा १ बजे आगलागी भएको प्रहरीले जनाएको छ। आगलागी पूर्ण रुपमा अझै नियन्त्रणमा आइनसकेको धनुषाका प्रहरी नायव उपरीक्षक रञ्जन आवाले जानकारी दिए।

‘कुनाकप्चामा आगो बलिरहेकै छ, हामी नियन्त्रणको प्रयासमा ‍छौँ । केही बेरमै आगलागी पूर्ण नियन्त्रणमा आउँछ,’ उनले भने ।

जनकपुरधाम उपमहानगरपालिका लगायत आसपासका गरी पाँच वटा बारुणयन्त्र  सहयोगमा आगलागी नियन्त्रणको प्रयास जारी रहेको उनले बताए।आगलागीको कारण भने खुलिसकेको छैन।