विद्युतीय धरापमा परि एक महिलाको मृत्यु

सफल खबर संवाददाता

मंगलबार, १९ भदौ २०८०, ०८ : २८
विद्युतीय धरापमा परि एक महिलाको मृत्यु

धनगढी । जङ्गली जनावरका लागि थापेको विद्युतीय धरापमा परेर धनगढीकी एक महिलाको मृत्यु भएको छ ।

धनगढी उपमहानगरपालिका –३ की अन्दाजी ३२ वर्षीया मञ्जु कुँवरको गए राति ११ बजेतिर मृत्यु भएको हो ।

जिल्ला प्रहरी कार्यालय कैलालीका अनुसार धनगढी उपमहानगरपालिका–३ बडहारास्थित रहेको होल्डिङ सेन्टर नजिकै जङ्गली जनावरका लागि खेतमा विद्युतीय तार राखिएको थियो । 

जङ्गली जनावरबाट धानबाली जोगाउन खेतको आलीमा धराप थापेका जंगलिया चौधरीलाई प्रहरीले नियन्त्रणमा लिएको छ ।

मृतक महिलाको शव सेती प्रादेशिक अस्पतालमा राखिएको छ।