मोटरसाइकलको ठक्करबाट वीरेन्द्रनगरमा एकजनाको मृत्यु

सुर्खेत । सुर्खेतको वीरेन्द्रनगरमा मोटरसाइकलले ठक्कर दिँदा एक जनाको मृत्यु भएको छ । मृत्यु हुनेमा वीरेन्द्रनगर नगरपालिका–१२ का ४१ वर्षीय धर्म राज सापकोटा रहेका छन् ।उनको उपचारका क्रममा मृत्यु भएको जिल्ला प्रहरी कार्यालय सुर्खेतले जनाएको छ । 

पिपिरा चोक स्थित धुलायाबिटबाट बजार तर्फ आउँदै गरेको भे.७ प. ७७४६ न. को मोटरसाइकलले पिपिरा चोकमा रोकी राखेको क.प्र.०२०० प ४००४ न.को स्कुटर लाई ठक्कर दिएको थियो ।मोटरसाइकल चालक सापकोटाको टाउको र छातीमा चोट लागेको थियो ।

उपचारको लागि कर्णाली प्रदेश अस्पताल कालागाउँ सुर्खेतमा लगिएकोमा उपचारको क्रममा उनको मृत्यु भएको प्रहरीले जनाएको छ ।