कांग्रेसले विपी साहित्य महोत्सव गर्ने

काठमाडौं । नेपाली कांग्रेसले कांग्रेसको संस्थापक नेता विपी कोईरालाको जन्मजयन्तीको अवसर पारेर विपी साहित्य महोत्सव, २०८० गर्ने भएको छ । कांग्रेसले विपी कोईरालाको भदौ २४ गते परेको ११० औं जन्मजयन्तीको अवसर पारेर विपी साहित्य महोत्सव, २०८० गर्न लागेको हो ।

कांग्रेस केन्द्रिय कार्यालयको आयोजना र नेपाली लेखक संघको संयोजनमा भदौ २४, २५ र २६ गते कांग्रेस केन्द्रिय कार्यालय सानेपा, ललितपुरमा हुन गइरहेको सूचना, सञ्चार तथा प्रचार विभाग प्रमुख मिन विश्वकर्माले जानकारी दिए ।

महोत्सवमा सम्भाषण हुने र महोत्सवका सत्रहरु अन्र्तगत मनोविश्लेषणात्मक साहित्य र व्यक्तिसत्ता, साहित्यमा पर्यावरण, समय र सबाल्र्टन, नेपालको मातृभाषा साहित्य, विपीका आख्यानमा नारी, विपीका आख्यानमा मधेश, विपीका दृष्टिमा विपी, विपीले नपाएका १५ वर्ष शिर्षकमा चल्ने भएका छन् ।

त्यस्तै, अन्तर्राष्ट्रिय राजनीति र कुटनीतिमा बिपी, समावेशिता, सामाजिक रुपान्तरण र विपी, युवा पुस्तामा विपी पठन र परिवारले बुझेका विपी शिर्षकमा समेत सत्रहरु चल्ने प्रचार विभाग प्रमुख विश्वकर्माले जानकारी दिए । महोत्सवमा कविता साँझ, गजल साँझ, सांगितिक साँझ, चित्रकला प्रदर्शनी, वृत्तचित्र प्रदर्शनी र ऐतिहासिक फोटो प्रदर्शनी समेत हुने उनले बताए।

कांग्रेसले महोत्सवमा उपस्थितिका लागि प्राज्ञिक व्यक्तित्वहरु, बुद्धिजीवी, अध्येता तथा राजनीतिका अतिरिक्त लेखन साहित्यमा रुची राख्ने सबैलाई अनुरोध गरेको छ । कार्यक्रमको विस्तृत विवरण, निर्धारित विषय, वक्ता एवं सहजकर्ता र महोत्सवको कार्यतालिका छिट्टै नै सार्वजनिक गर्ने प्रचार विभाग प्रमुख विश्वकर्माले बताए।