सिन्धुलीमा भएको छुट्टाछुट्टै दुर्घटनामा ७ जना घाइते

सिन्धुली । सिन्धुलीमा सोमवार र मंगलवार भएको तीन छुट्टा छुट्टै सवारी दुर्घटनामा परी ६ जना घाइते भएका छन् । मंगलवार सुनकोसी गाउँपालिका –५ मुल्कोट नजिकै बिपी राजमार्गमा ट्रकको पछाडि एम्बुलेन्स ठोकिदा एम्बुलेन्समा सवार चार जना घाइते भएका छन् ।

बर्दिबासबाट काठमाडौँ तर्फ जाँदै गरेको प्रदेश १–०२–००१ ख ८८०० नम्बरको ट्रकको पछाडि सोही दिशाबाट जाँदै गरेको बा २ झ ३१०७ नम्बरको बर्दिबास नगरपालिकाको एम्बुलेन्स ठोकिदा तीन जना मध्यम घाइते र एक जना सामान्य घाइते भएका हुन् ।

घाइते चार जनाको उपचारको लागि धुलिखेल अस्पताल पठाइएको जिल्ला प्रहरी कार्यालय सिन्धुलीले जनाएको छ । सोमवार राती बिपी राजमार्ग अन्तर्गत कमलामाई नगरपालिका –४ हिरा पानीमा मोटरसाइकल दुर्घटना हुँदा एक जना घाइते भएका छन् ।