काठमाडौं । काठमाडौं महानगरका मेयर बालेन शाहले महानगरभित्रका सामुदायिक विद्यालयका विद्यार्थीहरूमा प्राविधिक विषयमा गहिरो रूचि देखिएको बताएका छन्।
सामुदायिक विद्यालयका प्रधानाध्यापक र विज्ञान शिक्षकलाई प्रदान गरिएको रोबोटिक्स, कृतिम वौद्धिकता (आर्टिफिसियल इन्टेलिजेन्स), ड्रोन टेक्नोलोजी र कोडिङ् विषयमा दिइएको अभिमुखीकरणमा विद्यालय, शिक्षक र विद्यार्थीहरुमा विषय सिकाइप्रति उत्साह देखिएको मेयर शाहले शनिबार समाजिक सञ्जालमा लेख्दै उक्त कुरा बताएका छन्।
भानु माध्यमिक विद्यालयमा प्रविधिका ४ वटा विधा (रोवोटिक्स, कृतिम वौद्धिकता, ड्रोन टेक्नोलोजी र कोडिङ्) मा अभिमुखीकरण दिइएको, पद्मोदय माध्यमिक विद्यालयमा विज्ञान शिक्षक र कक्षा ८ का विद्यार्थीका लागि ड्रोन टेक्नोलोजीका विषयमा प्रयोगात्मक चिनारी गराइएको उनले उल्लेख गरेका छन्।
अहिले प्रथम त्रैमासिक परीक्षा चलिरहेको र यसपछि अभिमुखीकरण (ओरियन्टेसन) का क्रममा सिकाइएका विषयमा विद्यार्थीको रुचि टिप्ने उनले बताए। उनले भने, ‘त्यसका आधारमा बुक फ्रि फ्राइडेका दिन सिकाइको विषयका रुपमा समावेश गरेर कक्षा चलाउँछौँ।’
प्रतिक्रिया दिनुहोस
सफल खबर संवाददाता
शनिबार, २७ साउन २०८०, ११ : ५०
लेखकबाट थप
सम्बन्धित समाचारहरु
बालेनको रिट सवैधानिक इजलासमा पेशी
बालेनलाई ३० भन्दाबढी नागरिक अगुवाले पठाए खुलापत्र
जथाभाबी वक्तव्यवाजी नगर्न आग्रह काठमाडौं प्रशासनको आग्रह
‘श्रीमती चढेको गाडी प्रहरीले रोकेपछि मेयर बालेनले दिए सिंहदरबारमा आगो लगाउने धम्की
प्रधानमन्त्रीलाई भेट्न सिंहदरबार पुगे बालेन
मेयर बालेनको निर्णय : छात्रावास सञ्चालनका लागि महानगरबाट स्वीकृति लिनुपर्ने