काठमाडौ । गत आर्थिक वर्ष २०७९/८० मा ट्राफिक नियम उल्लंघन गर्ने ४० हजार ६६४ सवारीसाधनका चालकलाई कारबाही गरिएको छ ।
चालकलाई कारबाही गर्नेक्रममा ३ करोड ४५ लाख ३८ हजार रुपैयाँ राजस्व संकलन भएको छ ।
मादक पदार्थ सेवन गरी सवारीसाधन चलाउने, क्षमताभन्दा बढी यात्रु राखेर सञ्चालन गर्ने, निषेधित क्षेत्रमा सवारी पार्किङ गर्ने, तीव्रगतिमा सवारी चलाउने लगायत ट्राफिक नियम उल्लंघन गर्ने चालकलाई कारबाही गरिएको हो ।
कारबाहीमा पर्नेमा ट्रक तथा टिप्परका चालक ७ हजार ७५, बस तथा माइक्रोबसका चालक ४ हजार १९४, जीप तथा कारका चालक ७ हजार ७१२, ट्रयाक्टर चालक १ हजार ६०९, मोटरसाइकल तथा स्कुटर चालक १३ हजार १०७ र टेम्पो तथा अटोरिक्सा लगायत सवारीसाधनका चालक ६ हजार ९६७ रहेका जिल्ला ट्राफिक कार्यालयका प्रमुख प्रहरी निरीक्षक राजकुमार तामाङले जानकारी दिए ।
गत आवमा ३०३ सवारीसाधन दुर्घटनामा परेका थिए । सो क्रममा ७८ जनाको मृत्यु भएको थियो । ती दुर्घटनामा १७० जना गम्भीर र ४११ जना सामान्य घाइते भएका उनले बताए । सबैभन्दा बढी जिल्लाका भित्री सडकमा १४१, पूर्वपश्चिम राजमार्गमा ६४, नारायणगढ–मुग्लिन सडकखण्डमा ५७, पृथ्वी राजमार्गमा २३ र जिल्लाका शहरी सडकखण्डमा १८ सवारीसाधन दुर्घटनामा परेका ट्राफिक प्रहरीले जनाएको छ ।
प्रतिक्रिया दिनुहोस
सफल खबर संवाददाता
शुक्रबार, १९ साउन २०८०, ०७ : १५
लेखकबाट थप
सम्बन्धित समाचारहरु
राष्ट्र बैंकले ६ बैंकलाई गर्यो कारबाही
भिक्षुमाथि दुर्व्यवहार गर्ने प्रहरीलाई विभागीय कारबाही
चितवन कांग्रेसद्वारा प्रशासनमार्फत् सभामुखको ध्यानाकर्षण, सहकारी ठग्नेलाई कारबाहीको माग
पूर्वसभामुख महरालाई कारबाही गर्न गृह मन्त्रालयको निर्देशन
दाइजो मागेर विवाह भाँड्नेलाई कानुनी कारबाही गर्न सांसदको माग
तीन विकास बैंक र तीन फाइनान्स कम्पनी राष्ट्र बैंकको कारबाहीमा