काठमाडौं।नेपाल चेम्बर अफ कमर्सले सरकारको नीति तथा कार्यक्रमको व्यावहारिक कार्यान्वयनमा जोड दिएको छ ।चेम्बरले आज एक विज्ञप्ति जारी गर्दै मुलुकको आन्तरिक अर्थतन्त्र जोखिमको अवस्थामा रहेका बेला नीति कार्यक्रम परिणाममुखी हुने विश्वास लिएको छ ।नीति तथा कार्यक्रममा समावेश गरिएका विषयलाई बजेटमार्फत सम्बोधन गर्न चेम्बरले सरकारको ध्यानाकर्षण गराएको छ ।
“हालको आर्थिक मन्दी र लगानीमा देखिएको सङ्कुचनलाई नीति तथा कार्यक्रमले पर्याप्त मात्रामा समावेश गर्न सकेको छैन, आर्थिक स्थायित्व कायम गर्ने गरी आगामी बजेट आउन आवश्यक छ” चेम्बरद्वारा जारी विज्ञप्तिमा भनिएको छ ।नीति तथा कार्यक्रमले आंशिकरुपमा भए पनि निजी क्षेत्रका माग भने सम्बोधन गरेको चेम्बरका अध्यक्ष राजेन्द्र मल्लले बताए । उनले भने, “निजी क्षेत्रले उठाएका केही माग सम्बोधन भएका छन् ।
उत्पादनमुखी कार्यक्रम, औद्योगिक विकास र सार्वजनिक निजी साझेदारी अवधारणालाई प्रभावकारी बनाउने गरी नीति कार्यक्रम कार्यान्वयन गर्न आवश्यक छ ।”नीति तथा कार्यक्रममा महत्त्वाकाङ्क्षी योजना घोषणा हुने तर कार्यान्वयनको पाटो फितलो हुने समस्याप्रति पनि चेम्बरले सरकारको ध्यानाकर्षण गराएको छ । कमजोर धरातलमा आएको नीति तथा कार्यक्रम सकारात्मक भए पनि सीमित स्रोत र साधनका कारण कार्यान्वयनको पाटो जोखिम रहेको चेम्बरको ठहर छ ।
प्रतिक्रिया दिनुहोस
सफल खबर संवाददाता
शनिबार, ०६ जेठ २०८०, १३ : ३४
लेखकबाट थप
सम्बन्धित समाचारहरु
नेपाल चेम्बर अफ कमर्सको सल्लाहकार परिषद् अध्यक्षमा राजेशकाजी श्रेष्ठ मनोनीत
अर्थतन्त्र सुधारका लागि अर्थमन्त्री पुनलाई १७ बुँदे सुझाव पेश
बौद्धिक सम्पत्ति संरक्षणबारे युवा व्यवसायीलाई चेम्बरको प्रशिक्षण
चेम्बर अफ कमर्सद्धारा कोसोभोसंग व्यापारिक साझेदारीको प्रस्ताव
धराशायी बनेका व्यवसायीलाई उकास्ने बजेट ल्याउन चेम्बरको सुझाव