काठमाडौं । एसीसी प्रिमियर लिग अन्तरगत ओमानविरुद्धको म्याचमा धर्मराएको नेपालको ब्याटिङलाई कुशल मल्लले उकासेका छन् । नेपाली ब्याट्सम्यानमाथि ओमानका बलरहरु हावी भइरहँदा क्रिजमा आएका कुशलले विष्फोटक ब्याटिङ गर्दै अर्धशतक बनाए ।कुशल क्रिजमा आउनुअघि नेपालले २०.३ ओभरमा ७२ रन मात्र जोड्दा अग्रपंतिका चार विकेट गुमाएको थियो ।
दबाबको अवस्थामा पनि उनले खुलेर ब्याटिङ गरेका उनले चौका र छक्काको वर्षा गर्दै ३० बलमै अर्धशतक पूरा गरेका हुन् । कुशलको ब्याटिङले ओमानका बलरहरु ब्याकफुटमा आएका छन् ।नेपालले आजको म्याचमा निकै खराब सुरूवात गर्दै दुवै ओपनरलाई शून्यमा गुमाएको थियो । कुशल भुर्तेलले ८ बल र आसिफ शेखले १० बल खेल्दा कुनै रन बनाउन सकेनन् । ३.४ ओभरमा नेपालले दुई रन मात्र जोड्दा दुवै ओपनर पेभिलियन फर्किएपछि भीम सार्की र कप्तान रोहित पौडेलले नेपालको ब्याटिङ सम्हाल्ने प्रयास गरेका थिए ।
उनीहरूबीच ५२ रनको साझेदारी भयो । तर, २३ रनको निजी स्कोमार रोहित र ३३ रनमा भीम आउट भएपछि नेपाल फेरि दबाबमा परेको थियो । छैटौं नम्बरमा कुशल ब्याटिङमा आएपछि म्याच सिनारियो फेरिएको हो । भरपर्दा ब्याट्सम्यान आरिफ शेख र कुशलले महत्वपूर्ण साझेदारी गर्दै नेपाललाई अघि बढाएका छन् ।आजको म्याच एकदिवसीय मान्यता प्राप्त भएकाले नेपालका लागि महत्वपूर्ण छ ।
प्रतिक्रिया दिनुहोस
सफल खबर संवाददाता
शुक्रबार, ०८ बैशाख २०८०, १२ : ०४
लेखकबाट थप
सम्बन्धित समाचारहरु
नेपाललाई दोस्रो सफलता, कुशल मल्लले लिए विकेट
कुशल मल्लले लिए क्यानडाको पाँचौँ विकेट
कुशल मल्लले लिए हङकङको पाँचाैँ विकेट
मंगोलियालाई नेपालले दियो ३१५ रनको कीर्तिमानी लक्ष्य
कुशल मल्लले लिए यूएईको पहिलो विकेट