काठमाडौं । इन्डियन प्रिमियर लिग (आईपीएल)मा कोलकाता नाइट राइडर्सले पहिलो जित हासिल गरेको छ। बिहीबार राति भएको खेलमा कोलकाताले रोयल च्यालेन्ज बैंगलोरलाई ८१ रनले हरायो।
इडन गार्डन मैदानमा पहिले ब्याटिङ गरेको कोलकाताले २० ओभरमा ७ विकेट गुमाउँदै २०४ रन बनायो। २०५ रनको विजयी लक्ष्य पछ्याएर ब्याटिङ थालेको बैंगलोर १७.४ ओभरमा १२३ रनमा अलआउट भयो।
बैंगलोरलाई सस्तैमा समेट्ने क्रममा वरुण चक्रवर्तीले ४ विकेट लिए। यस्तै, सुयास शर्माले ३, सुनिल नारिनेले २ र सार्दुल ठाकुरले १ विकेट लिए।
बैंगलोरका कप्तान फाफ डुप्लेसीले बनाएको २३ रनको योगफल नै सर्वाधिक रह्यो। विराट कोहली २१ रनमा आउट भए।
कोलकाताका शार्दुल ठाकुरले ६८ रन बनाए। रहमानुल्लाह गुरबाजले ५७ रन बनाए भने रिंकु सिंहले ४६ रन बनाए।
बैंगलोरका कर्न शर्मा र डेभिड विल्लेले समान २–२ विकेट लिए। यस्तै, मोहम्मद सिराज, मिचेल ब्रेसवेल र हर्सल पटेलले समान १–१ विकेट लिए।
२ खेलमा पहिलो जित निकालेको कोलकाता २ अंकका साथ तालिकाको तेस्रो स्थानमा छ। बैंगलोर भने २ अंकका साथ ७औं स्थानमा छ।
प्रतिक्रिया दिनुहोस
सफल खबर संवाददाता
शुक्रबार, २४ चैत्र २०७९, ०७ : ३९
लेखकबाट थप
सम्बन्धित समाचारहरु
आईपीएलः हैदराबादलाई हराएको चेन्नई तेस्रो स्थानमा
आईपीएल : मुम्बईमाथि राजस्थानको शानदार जीत
आईपीएलमा आज राजस्थान र बैंग्लुरु भिड्ने
आईपीएल : सञ्जुको उत्कृष्ट ब्याटिङमा राजस्थानको विजयी सुरुवात
आईपीएल सुरु हुनुअघि जयपुर रंगशालामा तालाबन्दी
आगामी आईपीएलमा एउटै ओभरमा दुई बाउन्सर