रामसहाय यादवको उपराष्ट्रपतिमा उम्मेदवारी कायमै रहने निर्णय

सफल खबर संवाददाता

आइतबार, २८ फागुन २०७९, १३ : ०४
रामसहाय यादवको उपराष्ट्रपतिमा उम्मेदवारी कायमै रहने निर्णय

काठमाडौँ। निर्वाचन अधिकृतको कार्यालयले उपराष्ट्रपतिका उम्मेदवार रामसहाय प्रसाद यादवको उम्मेदवारी कायमै रहने निर्णय गरेको छ । निर्वाचन अधिकृतको कार्यालयले यादवको उम्मेदवारी कायमै रहने निर्णय गरेको जनता समाजवादीका सांसद प्रदीप यादवले जानकारी दिए ।

शनिवार उम्मेदवारी दर्ता गरेपछि एमालेकी उम्मेदवार अष्टलक्ष्मी शाक्यको तर्फबाट संविधानको धारा ७० अनुसार राष्ट्रपति पुरुष लिङ्गको भएकोले महिला उपराष्ट्रपति हुने व्यवस्था रहेको भन्दै यादवको उम्मेदवारी विरुद्ध दावी विरोध दर्ता गराएकी थिइन । शनिवार बिहान यादवले सो दावी विरोधको खण्डन गर्दै निर्वाचन अधिकृतको कार्यालयमा जवाफ पेस गरेका थिए ।

प्रतिक्रिया दिनुहोस