राष्ट्रिय स्वतन्त्र पार्टीको स्थगित भएको बैठक माघ २१ देखि सुरु हुने

काठमाडौ । राष्ट्रिय स्वतन्त्र पार्टीको स्थगित भएको प्रदेशस्तरीय विस्तारित बैठक माघ २१ देखि सुरु हुने भएको छ ।

सभापति रवि लामिछानेको विषयमा अदालतले फैसला गरेपछि पार्टीले यसअघि माघ १४ देखि तय गरेको बैठक स्थगित गरेको थियो ।

आइतबार सभापतिमा लामिछाने आफ्नो नागरिकता वैध बनाउँदै पुनः सभापतिमा चयन भएपछि माघ २१ गतेदेखि पुनः सूचारु गर्ने निर्णय गरिएको हो ।

जसअनुसार गण्डकीको विस्तारित बैठक माघ २१ गते, लुम्बिनीको २४  गते, सुदूरपश्चिमको २६  गते र सुर्खेतको २८ गते हुनेछ । 

प्रदेश न१, मधेश प्रदेश र वागमती प्रदेशमा हुने विस्तारित प्रदेश वैठकका छिट्टै निर्णय हुने प्रवक्ता मुकुल ढकालले जानकारी दिए ।