रवि लामिछानेको पार्टी सभापति पद पनि खारेज

काठमाडौं । उपप्रधान एवं गृहमन्त्री रहेका रवि लामिछानेले सांसद पदसँगै पार्टी सभापति पद पनि स्वतः गुमाएका छन् ।शुक्रबार सर्वाेच्च अदालतले लामिछानेको नागरिकता निष्क्रिय रहेको फैसला सुनाएसँगै सांसद पद र पार्टीको सभापति पद समेत खारेज भएको हो ।

२०५० सालमा नेपाली नागरिकता लिएका लामिछानेले २०७५ सालमा अमेरिकी नागरिकता त्यागेर नेपाली नागरिकता लिन भनि नेपालस्थित अमेरिकी दूतावासलाई सूचना दिए पनि नेपाली नागरिकता पुनः प्राप्तिमा त्रुटी गरेको सर्वाेच्चद्वारा जारी आदेश पत्रमा भनिएको छ ।

पुनः नेपाली नागरिकता प्राप्तिका लागि संविधानको ऐन २०६३ को धारा दफा ११ तथा नेपाली नागरिकता नियमावली, २०६३ को नियम ११ बमोजिम प्रक्रिया पूरा गर्नुपर्ने भए पनि त्यो पूरा नगरेको आदेश पत्रमा भनिएको छ ।