पृथ्वी जयन्तीलाई पुनस्र्थापीत गर्नु जन–आन्दोलनको मर्म र भावना विपरीत कार्य : उपेन्द्र यादव

काठमाडौं । जनता समाजवादी पार्टी, (जसपा) नेपालका अध्यक्ष उपेन्द्र यादवले राजतन्त्रात्मक निरंकुश पञ्चायती व्यवस्थाले स्थापित गरेको पृथ्वी जयन्तीलाई प्रचण्ड सरकारले पुनस्र्थापित गर्नु जन–आन्दोलनको मर्म र भावना विपरित कार्य भएको बताएका छन् । 

सामाजिक सञ्जाल फेसबकमा स्टाटस लेखी उनले उक्त कुरा बताएका हुन् ।  यो कार्यले सहिदहरुको अपमान गर्ने र यसले विविधतामा एकता हैन एकतामा विभेद, असमानता र विविधता उत्पन्न गर्ने उनको दावी रहेको छ । 

जसपाले सरकारको साझा न्यनूतम कार्यक्रममा पृथ्वी जयन्तीलाई समेट्ने विषयमा असहमति राखेपछि त्यसलाई पूर्णता दिने क्रममा हटाइएको थियो तर सरकारले उक्त दिन सार्वजनिक विदा दिने निर्णय गरेपछि जसपाले यसको विरोध गरेको हो ।