बुटवल । लुम्बिनी प्रदेशमा एमाले संसदीय दलको नेतामा लिला गिरी सर्वसम्मत चयन भएका छन् । नेता चयन संगै लुम्बिनीको सरकारको नेतृत्व नेकपा एमालेका पोलिटब्यूरो सदस्य गिरीले गर्ने संभावना बढेको छ ।
एमालेले लुम्बिनी प्रदेशसभा संसदीय दलको नेतामा पोलिटब्युरो सदस्य तथा प्रदेश सहइन्चार्ज रहेका गिरीलाई सर्वसम्मत चयन गरेको हो । संसदीय दलको नेता बनेसँगै उनको मुख्यमन्त्री बन्ने संभावना बलियो भएको हो । आइतबारै एमाले महासचिव शंकर पोखरेलले दाङ पुगेर लुम्बिनी प्रदेश सरकारको नेतृत्व एमालेले गर्ने बताइसकेका छन् ।
आइतबार बिजौरीस्थित महासचिव शंकर पोखरेल निवासमा भएको नेताहरुले छलफल गरी एमाले पोलिटब्यूरो सदस्य गिरीलाई संसदीय दलको नेता बनाउने सहमति गरेका थिए । त्यसपछि अपरान्ह बसेको संसदीय दलको बैठकले गिरीलाई संसदीय दलको नेता चयन गरेको हो ।
गिरी यसअघि शंकर पोखरेल मुख्यमन्त्री हुँदा मन्त्री रहेका थिए । उनी रुपन्देही २ को १ बाट निर्वाचित भएका हुन् । एमाले लुम्बिनी प्रदेश सरकारको नेतृत्व गर्ने अवसर पाए गिरी मुख्यमन्त्री बन्नेछन् । प्रदेशमा ठूलो दल भएकाले एमालेले नेतृत्व पाउनुपर्ने एमाले महासचिव पोखरेलको भनाइ छ ।
प्रतिक्रिया दिनुहोस
सफल खबर संवाददाता
आइतबार, १७ पुस २०७९, २० : २५
लेखकबाट थप
सम्बन्धित समाचारहरु
लुम्बिनी प्रदेशमा एमाले जिल्ला अधिवेशनको तयारी तीव्र
लुम्बिनीका मुख्यमन्त्रीले पनि गरे माओवादीका मन्त्रीलाई बर्खास्त
भ्रष्टाचार मुद्दामा मुछिएपछि प्रदेशसभा सदस्य यादव निलम्बित
लुम्बिनी प्रदेशसभामा सम्बोधन गर्न प्रधानमन्त्रीलाई निम्तो
लुम्बिनी प्रदेशका क्यान्सर बिरामीलाई सिएमसीमा दुई लाखको निःशुल्क सुविधा
संघीय सरकारबाट प्राकृतिक स्रोत साधनलाई राष्ट्रिय हितमा उपयोग भएन : प्रदेश प्रमुख शेरचन