श्वेताले जितिन् विश्व शारीरिक सुगठनमा रजत

काठमाडौं । नेपालकी श्वेता कपालीले थाइल्यान्डको फुकेटमा भइरहेको १३ औं विश्व शारीरिक सुगठन तथा फिजिक स्पोर्ट्स च्याम्पियनसिपमा रजत पदक जितेकी छन् ।

पहिलो अन्तर्राष्ट्रिय प्रतियोगितामा प्रतिस्पर्धा गरेकी श्वेताले महिला मोडल फिजिक्स विधामा पदक जितेकी हुन् ।शुक्रबार पुरुष ६५ केजी तौलमा प्रज्वलमान शाक्ले कांस्य पदक जितेका थिए ।

महिला मोडल फिजिक्सको फाइनल प्रवेश गर्नेक्रममा १० प्रतिस्पर्धीबाट श्वेता उत्कृष्ट फाइभमा परेकी थिइन् । उनी तीन प्रतिस्पर्धी हंगेरी, थाइल्यान्ड र मंगोलियाकी खेलाडीलाई उछिन्दै दोस्रो भएकी हुन् । यस विधामा हङकङ चाइनाकी तु सुयत यानले स्वर्ण जितेकी थिइन् ।