पेरुका राष्ट्रपति पेड्रो संसद विघटन गर्न खोज्दा आफै भए अपदस्त

एजेन्सी । महाअभियोग लगाउदैं पेरुको संसदले त्यहाँका राष्ट्रपतिलाई पदमुक्त गरेको छ । राष्ट्रपति पेड्रो कास्टिलोले संसद विघटन गरेर नयाँ निर्वाचनको घोषणा गर्ने प्रयास गरीरहेका बेला संसदले उनैलाई महाअभियोग लगाएर अपदस्त गरिदिएको हो ।

विद्रोहको अपराध र महाअभियोगको सामना गर्न नखोजेकोमा उनलाई पक्राउ गरिएको छ । उनले आफूमाथि अभियोग दर्ता भएपछि संसद भंग गर्न खोजेको केही घण्टामै बिशेश अधिवेशनले अपदस्त गरिदिएको थियो ।

यसैबीच पेरुको नयाँ राष्ट्रपतिमा पहिलो पटक महिला चुनिएकी छन् । डिना बोलाउर्ते पेरुको ईतिहासमा पहिलो पटक महिला राष्ट्रपतिका रुपमा निर्वाचित भएका हुन् ।