काठमाडौँ । भारी मतान्तरका साथ प्रतिनिधिसभा विवयी भएका रवि लामिछानेले आफ्ना मतदातालाई धन्यवाद दिएका छन् । विजयपछि फूलमाला र विजय र्याली गर्न नचाहेको बताउँदै उनले भनेका छन्, ‘राजनीतिमा निर्वाचित हुनु भनेको विजयी हुनु होइन। यो त जाँच दिन जानका लागि सक्षम हुनु मात्र हो। म आज बाट जाँच दिन जाँदै छु, जसको नतिजा ५ वर्ष पछि मात्र आउँछ। म जनता लाई जिताउने जाँच दिन जादैछु त्यसैले म अहिले नै विजय र्याली गर्न चाहन्नँ।’
उनले विजय र्यालीको साटो आजै ३ बजे भरतपुर- १० गेस्ट हाउस चौरमा र भोलि ११ बजे इच्छाकामना गाउँपालिका कार्यालय अगाडिको फुट्बल ग्राउन्ड कुरिनटारमा धन्यवाद सभा गर्न लागेका जानकारी दिएका छन् । साथै भोलि ३ बजे सहिद स्मृति क्याम्पस चौर पदमापुर कालीकामा पनि धन्यवाद सभा गर्न लागेका छन् ।
‘एउटा अनुरोध, कृपया त्यहाँ आउँदा मेरा लागि फूलमाला, अबिर, खाँदा केही पनि नल्याउनुहोला,’ उनले भनेका छन्, ‘म आजबाटै काम थाल्दैछु। मेरो सभा हुने ठाँउहरुमा २ वटा बाकस हुनेछन्। एउटा बाकसमा ‘समस्या पेटिका’ लेखिएको हुनेछ। त्यसमा तपाईंका समस्या लेखेर खसाउनु होला। अर्को बाकसमा ‘उजुरी, समस्या, सुझाव पेटिका’ लेखिएको हुनेछ। त्यसमा, भ्रस्टाचारीका सुचना, मैले गर्नु पर्ने काम, मलाई खबरदारी लेखेर खसाउनु होला।’
उनले माला, अबिर, खादामा गरेको खर्च प्रायः सबै विदेश जाने गरेको भन्दै केही पनि नल्याउन आग्रह गरेका छन् । ल्याउनै मन भए मन भए आफ्नै आँगन वा बाटोको एक थुङ्गो फूल भए आफूलाई स्वीकार्य हुने उनले बताएका छन् ।
उनले थप भनेका छन्, ‘म छिटोभन्दा छिटो काममा लाग्न चाहन्छु। भोट माग्न, र्याली गर्न आउन नभ्याएका ठाउँमा म काम गर्न आउछु।’
प्रतिक्रिया दिनुहोस
सफल खबर संवाददाता
विहीबार, ०८ मंसिर २०७९, १४ : ०८
लेखकबाट थप
सम्बन्धित समाचारहरु
सत्ता समीकरणमा कुनै समस्या छैन : गृहमन्त्री लामिछाने
रोड टेष्ट गरेर मात्र लाइसेन्स दिनुपर्छ : गृहमन्त्री लामिछाने
राप्रपाको प्रदर्शनमा दमन गर्न सुरक्षा निकायलाई निर्देशन नदिएको गृहमन्त्री लामिछानेको दाबी
गृहमन्त्रीबारे सदनमा प्रधानमन्त्रीको जवाफ राज्य संयन्त्रले दिएको तथ्य हो : सांसद सापकोटा
गृहमन्त्रीलाई कांग्रेसको प्रश्न- निर्दोष भए किन भागेर हिँड्नुपर्यो ?
गृहमन्त्री लामिछाने र मिटरब्याज पीडितबीच छलफल