काठमाडौं । कालीकोटको तिलागुफा नगरपालिका ४ राँचुलीमा मलामी गएका १५ जना सम्पर्कविहीन भएका छन् । आइतबार दिउँसो १ बजेतिर मलामी गएका उनीहरू सम्पर्कमा नआएको कालीकोटका प्रमुख जिल्ला अधिकारी रामहरि शर्माले जानकारी दिए ।
उनका अनुसार घटनाबारे आज बिहान मात्रै खबर आएको हो । प्रजिअ शर्माले भने ‘आज बिहान मात्रै जानकारी आएको हो, हामीलाई खबर हुनेबित्तिकै घटनास्थलतर्फ प्रहरी परिचालन गरिसकेका छौँ, नेटवर्क समस्याका कारण थप विवरण आएको छैन । घटनास्थलमा प्रहरी पुगेपछि मात्र थप पुष्टि हुन्छ ।’
_20231127105311.gif)
शनिबार मृत्यु भएका स्थानीय युवक हेमराज शाहीको मलामीमा तिला नदीमा गएका वडाध्यक्ष परमबहादुर शाहीसहितका १५ जना सम्पर्कविहीन भएका हुन् । लगातारको वर्षाका कारण बाटो अवरुद्ध हुँदा घटनास्थलमा पुग्न समस्या भएको प्रजिअ शर्माको भनाइ छ ।
घटनास्थलसम्म पुग्न करिब चार घण्टा लाग्ने उनको भनाइ छ ।
प्रतिक्रिया दिनुहोस
सफल खबर संवाददाता
सोमबार, २४ असोज २०७९, ११ : ०७
लेखकबाट थप
सम्बन्धित समाचारहरु
मलामी बोकेको जिप मध्यराति भिरबाट खस्यो
चितामा आगो लगाउने क्रममा जलेर २ मलामी घाइते