कोरोना अपडेट : थप ८५२ जनामा संक्रमण, ३२८ जना संक्रमणमुक्त

काठमाडौं । देशभर पछिल्लो २४ घण्टामा थप ८ सय ५२ जनामा कोरोना भाइरस सङ्क्रमण पुष्टि भएको छ । पछिल्लो २४ घण्टामा ६ हजार ३ सय ८३ जनाको नमूना परीक्षण गरिएको थियो ।

३ हजार ८ सय ७६ जनाको पीसीआर र २ हजार ५ सय ७ जनाको एन्टीजेन विधिबाट परीक्षण गर्दा ८ सय ५२ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

बुधबार ३ सय २८ जना संक्रमित संक्रमणमुक्त भएका छन् भने देशभर ५ हजार ४ सय ६२ जना सक्रिय संक्रमित रहेका छन् । त्यस्तै, २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।