काठमाडौं । नेकपा माओवादी केन्द्रको स्थायी कमिटी बैठक मंगलबार बस्दैछ । बिहान ८ बजे पार्टी कार्यालय पेरिसडाँडामा बैठक बस्ने प्रवक्ता कृष्ण बहादुर महराले जानकारी दिए ।
बैठकमा संघीय र प्रदेशसभा निर्वाचनको तयारी, पदाधिकारी चयन, स्थायी कमिटीलाई पूर्णता दिनेबारे छलफल हुने भएको छ । यस्तै बैठकमा डा बाबुराम भट्टराईको पार्टीले चुनाव चिह्न र एउटै घोषणापत्रमा चुनाव लड्ने प्रस्तावबारे पनि छलफल हुने बताइएको छ ।
_20231127105311.gif)
भट्टराई माओवादीको चुनाव चिह्नबाट लड्ने प्रस्ताव बैठकले अनुमोदन गरे सोहीअनुसार निर्वाचन आयोगमा जाने नेताहरुको तयारी छ । यस्तै नागरिकता विधेयकलगायतका विषयमा पनि बैठकमा छलफल हुनेछ । सोमबार नै स्थायी कमिटी बैठक बस्ने भनिएपनि बैठक मंगलबारका लागि सारिएको थियो ।
प्रतिक्रिया दिनुहोस
सफल खबर संवाददाता
मंगलबार, ३१ साउन २०७९, ०७ : ४४
लेखकबाट थप