नागरिकता विधेयक बारे गृहमन्त्री खाँड र माओवादी केन्द्रका अध्यक्ष प्रचण्ड बिच छलफल

काठमाडौँ । संसदमा पेश गरेको नागरिकता विधेयकमा केन्द्रित रही गृहमन्त्री र सत्तारुढ दल नेकपा माओवादी केन्द्रका अध्यक्ष प्रचण्ड बिच छलफल भएको छ ।  

सोमबार बिहान दाहाल निवास खुमलटारमा भएको भेटमा सरकारले संसद्मा पेस गरेको  ‘नेपाली नागरिकता ऐन, २०६३ लाई संशोधन गर्न बनेको विधेयक’ नागरिकता विधेयकबारे छलफल भएको गृहमन्त्री खाँणले जानकारी दिए। उनका अनुसार दाहालसँगको आजको छलफल सकारात्मक भएको छ।

सरकारले नेपाली नागरिकता ऐन, २०६३ लाई संशोधन गर्न बनेको विधेयक २०७५ साल साउन २२ गते प्रतिनिधि सभामा दर्ता गरेको थियो। राज्य व्यवस्था समितिले २०७७ असार नौ गते प्रतिवेदनसहित प्रतिनिधि सभामा पेस गरेको थियो।सरकारले त्यो प्रतिवेदन असार २४ गते फिर्ता लिएर त्यसै दिन अर्को विधेयक संसद् सचिवालयमा पेस गरेको छ।

पेस भएको विधेयकमा सहमति जुटाउनका लागि गृहमन्त्री खाँणले सरकारका तर्फबाट विभिन्न राजनीतिक दलका नेताहरूसँग भेटघाट गरिरहेका छन्।आइतबार साँझ मात्रै गृहमन्त्री खाँणले प्रमुख प्रतिपक्षी दल नेकपा एमालेका संसदीय दलका उपनेता सुवासचन्द्र नेम्वाङसँग उनकै निवास बालुवाटारमा भेटघाट गरेका थिए।

सरकारले संसद्मा प्रस्त्त गर्ने नयाँ विधेयेकले अहिले देखिएको नागरिकता समस्यालाई सम्बोधन गर्नेछ। विधेयक पास भएमा नागरिकता नपाएका युवाहरू लाखौँ युवाले नागरिकता पाउनेछन्।