काठमाडौं । काठमाडौं उपत्यकामा थप दुईजनामा हैजा भेटिएको छ । स्वास्थ्य तथा जनसङ्ख्या मन्त्रालय ईपिडिमियोलोजी तथा रोग नियन्त्रण महाशाखाका निर्देशक डा. चुमनलाल दासले कागेश्वरी मनहरा नगरपालिकामा दुई बालकमा हैजा पुष्टि भएको जानकारी दिए । ती दुवै बालकमा हिजो हैजा पुष्टि भएको हो ।
योसँगै उपत्यकामा हैजाका बिरामी १९ पुगेका छन् । उनका अनुसार कागेश्वरी मनहरा नगरपालिका–६ का ४ र ६ वर्षका बालकमा हैजा भेटिएको हो । उनले ती दुवै बालक स्थानीय अस्पतालमा उपचारपछि घर फर्किएको बताए ।
हैजा तथा झाडापखाला रोगबाट बच्नका लागि उमालेको वा क्लोरिन झोल हालेर शुद्धिकरण गरिएको पानी मात्र पिउन आग्रह गरिएको छ । खाना बनाउनु अघि र पछि, दिसापिसाब गरेपछि र फोहर चलाएपछि राम्रोसँग साबुनपानीले हात धुनुपर्दछ ।
यस्तै, खानेपानी सधैँ सफा भाँडोले छोप्न, खानेकुरा राम्ररी पकाएर खान, सडेगलेको, बासी र झिँगा भन्केको खानेकुरा नखान समेत स्वास्थ्य तथा जनसङ्ख्या मन्त्रालयले अनुरोध गरेको छ । झापापखाला लागे झोलिलो खानेकुरा खान पनि आग्रह गरिएको छ ।
प्रतिक्रिया दिनुहोस
रासस
मंगलबार, २१ असार २०७९, १२ : २७
लेखकबाट थप
सम्बन्धित समाचारहरु
हेटौंडा-चखेल- काठमाडौं सडक १६ दिनको लागि बन्द
काठमाडौँका सडकमा १ हजार २६ वटा स्मार्ट लाइट जडान
प्रसिद्ध अमेरिकी ट्याटु कलाकार डिलन फोर्टले काठमाडौंमा ट्याटु चित्र बनाउने
निरन्तर घट्दै काठमाडौंको तापक्रम, यस वर्षको अहिलेसम्मकै चिसो दिन आज
श्रीलंकाका विदेशमन्त्री साब्री काठमाडौंमा
छैटौँ संस्करणको प्रधानमन्त्री कप भैरहवा र काठमाडौँमा गर्ने तयारी