‘नेपाल चेम्बर एक्सपो २०२२’ काठमाण्डौको भृकुटीमण्डपमा सुरु

काठमाडौं । नेपाल चेम्बर अफ कमर्सको आयोजनामा नेपाल चेम्बर एक्सपो २०२२ काठमाण्डौको भृकुटीमण्डपमा आज (असार २ गते) देखि संचालन भएको छ । उक्त मेलाको पाँचौँ संस्करणको प्रधानमन्त्री शेरबहादुर देउवाले उद्घाटन गरेका हुन ।

उद्घाटन कार्यक्रममा बोल्दै प्रधानमन्त्री देउवाले नेपालमा उद्योग वाणिज्य क्षेत्रका विकासका लागि विगत ७ दशक देखि क्रियाशिल नेपाल चेम्बर अफ कमर्सल गरिमा बोकेको संस्था रहेको बताए । चेम्बर काठमाडौ उपत्यकाको जेठो छाला संगठन रहेको बताउदैं प्रधानमन्त्री देउवाले मुलुकमा २००७ सालको राजनितिक क्रान्तिको सफलतासँगै जन्मेको यो संस्था स्थापना कालदेखि नै मुलुकमा उद्योग ब्यापार क्षेत्रको विकास सरक्षण र प्रवर्धनका लागि सक्रिता देखाउदै आएको छ । मुलुकको निजि क्षेत्रको विकास र निजि लगानीको प्रवर्धन हकहितको संरक्षणमा कार्य गदैं सरकारलाई आर्थिक क्षेत्रको विकासको लागि सरकारलाई समेत चेम्बरले संरचनात्मक सुझाब दिर्दै आइरहेको छ । नेपाल चेम्बर एक्सपो २०२२ ले कोरोनाका कारण थला परेको अर्थतन्त्र तथा ब्यापारलाई माथि उठाउन ठूलो सहयोग विश्वास सरकारले लिएको बताए ।

कोभिड १९ संक्रमण जोखिमका कारण अघिल्ला दुई संस्करण भने रोकिएको थियो। संक्रमण जोखिम कम भएसंगै आर्थिक गतिविधीलाई चलायमान बनाउन एवं स्वदेशी उत्पादनहरुको प्रवर्द्धन गर्न चेम्बरले पाँचौँ अन्तर्राष्ट्रिय एक्सपो सुरु गरेको हो ।

पाँचौँ संस्करणमा व्यापारिक अन्तर्क्रिरया, आयात निर्यातको सूचना आदानप्रदान तथा नेपाली उत्पादनको बजारीकरणलाई जोड दिइएको चेम्बरले जनाएको छ। चेम्बर एक्सपोमा अन्तराष्ट्रिय व्यापारिक समुदायको प्रत्यक्ष सहभागिताले अन्तराष्ट्रिय क्षेत्रमा भईरहेका आर्थिक क्रियाकलाप, नविन प्रविधिको प्रयोग एवं व्यापार व्यवस्थापनका नयाँ आयामहलाई नजिकबाट नियाल्न तथा नेपाली उद्योगी व्यवसायीहरुलाई सहयोेग मिल्ने चेम्बरको भनाइ छ ।मेलामा गुणस्तरीय सामान प्रयोग गर्न एवं उपभोक्ता हितसम्बन्धी जनचेतना अभिवृृद्धि गर्ने दायित्वलाई प्रर्दशनीले प्राथमिकता दिने अपेक्षा गरिएको छ । यस्तै निकासी अभिवृद्धि गर्नेमा पनि चेम्बर मेलाले सहयोग गर्ने विश्वास गरिएको छ ।

मेलामा घरेलु तथा स्वदेशी उत्पादनका साथै कृषि एवं जडीबुटीजन्य वस्तु, इलोक्ट्रोनिक सामान, गार्मेन्ट्स एवं टेक्स्टायल, छालाजन्य वस्तु, कस्मेटिक, खाद्य तथा दुग्ध जन्य सामग्रीको प्रर्दशनी एवं बिक्रीमा राखिएको छ ।

उद्योग वाणिज्य तथा आपूर्ति मन्त्रालय एवं व्यापार तथा निकासी प्रवर्द्धन केन्द्रको सहकार्यमा आयोजित अन्तर्राष्ट्रिय मेलामा बंगलादेश पार्टनर कन्ट्रीका रुपमा रहेको छ । मेलामा नेपाल, भारत, पाकिस्तानलगायत अन्य राष्ट्रका उद्योगी–व्यवसायीसमेत गरी १५० भन्दा बढी स्टल छन् ।

कोभिड १९ बाट शिथिल अर्थतन्त्रलाई क्रियाशील बनाउने उद्देश्यले विभिन्न राष्ट्रको सहभागितामा अन्तर्राष्ट्रिय एक्स्पो आयोजना गरिएको चेम्बरका अध्यक्ष राजेन्द्र मल्लले बताए । अन्तर्राष्ट्रिय मेलाले नेपाली उत्पादनको बजारीकरण गर्न तथा अन्तर्राष्ट्रिय व्यापारिक समुदायलाई सहभागी गराई गतिशील आर्थिक वातावरण निर्माण गर्ने मुख्य उद्देश्य रहेको छ