‘रिभिजिटिङ द रुट्स इन अ मोर्डन नुआन्स’ कला प्रदर्शनमा १२ दिन थप

काठमाडौँ । ‘रिभिजिटिङ द रुट्स इन अ मोर्डन नुआन्स’ शीर्षकमा १४ वैशाखदेखि सुरु भएको एक महिने कला प्रदर्शनीमा अझै १२ दिन थपिने भएको छ। एक महिने लामो प्रर्दशनको पपुलर डिमान्ड भएपछि अझै १२ दिन थप्ने निणर्य भएको आयोजक विकल्प आर्ट सेन्टरले जनाएको छ।

वैशाख १४ देखि जेठ १० गतेसम्म काठमाडौँ उपत्यकाका विभिन्न चार स्थानमा कार्यक्रम आयोजना भएको थियो। ललितपुरको पुलचोकमा १४ गते उद्घाटन भएपश्चात उपत्यकाका अन्य तीन ठाउँमा पनि प्रदर्शनी भएको थियो। १२ दिन थपिएसँगै प्रदर्शनीको समापन जेठ २५ मा हुनेछ।

त्यस्तै विल्कपले साइकल टुर र टेम्पो टुर पनि गरेको छ। साइकल टुरमा नेपालका लागि जर्मन एम्बासडर डाक्टर थोमस प्रिन्ज सहभागी भएका थिए। साइकल टुर विद्रोह ग्यालरीबाट सुरु भएर होटल भिभान्तामा पुगेर समापन भएको थियो।

त्यस्तै होस्टेल नेक्स्ट डोरसँगको सहकार्यमा सफा टेम्पो टुर गरेको थियो। साथै नेपालका लागि फ्रान्स एम्बासडर गिल्स  बोरबाओसँगै पदयात्रा पनि गरेको थियो।