रुकुम पश्चिममा माओवादी केन्द्र क्लिन स्विप’ गर्नबाट बञ्चित

काठमाडौं ।  रुकुम पश्चिममा नेकपा माओवादी केन्द्र क्लिन स्विप’ गर्नबाट चुकेको छ । स्थनीय तह निर्वाचनको गएराति सम्पन्न मतगणनामा मुसीकोट नगरपालिकामा भने माओवादी केन्द्र पराजित बनेको हो।

 जिल्लाका अन्य पालिकामा माओवादी विजयी हुँदा मुसीकोटमा सो पार्टीका उम्मेदवार १३ मतले पराजित भएका हुन् ।  मतगणनाको अन्तिम परिणमअनुसार नेपाली काँग्रेसका महेन्द्र केसी ६९१४ मतका साथ विजयी भए ।

यस्तै माओवादी केन्द्रका बसन्त कुमार शर्मा ६ हजार ९०१ मत ल्याएर पराजित बने । यी दुई उम्मेदवारबीचको मतान्तर मात्र १३ रहेको छ।  यस्तै उपमेयरमा नेकपा एकीकृत समाजवादी विजयी भएको छ । समाजवादीका विमलकुमार पुन मगर ६१४० मत पाएर विजयी भए ।