काठमाडौं । वैदेशिक रोजगारीमा कतार गएका र विभिन्न कारणले जेल सजाय भोगिरहेका २१ जना नेपालीले माफी पाएका छन ।
कतार सरकारले उनीहरुलाई माफी दिएकाे हाे । कतारका अमिर शेख तमिमबिन हमाद अल थानीले इस्लाम धर्मावलम्बीहरूको पवित्र महिना रमाजानको अवसरमा त्यहाँका कारागारहरूमा विभिन्न कसुरमा सजाय पाई बन्दी जीवन बिताइरहेका २१ जना नेपालीलाई माफी दिएको कतारस्थित नेपाली दूतावासले जनाएको छ ।
दूतावासका अनुसार माफी पाउनेहरु मध्ये यौनजन्य क्रियाकलापमा ३ जना , चोरीजन्य क्रियाकलापमा ११, मादकपदार्थ बिक्री वितरणमा २ जना र आर्थिक हिनामिनामा ५ जना कसुरदार ठहरी सजाय भोगिरहेका थिए ।
माफी पाएका व्यक्तिहरुलाई सम्बन्धित निकायले जानकारी गराउने प्रक्रियामा रहेको दूतावासले जारी गरेको सूचनामा उल्लेख गरिएकाे छ ।
प्रतिक्रिया दिनुहोस
सफल खबर संवाददाता
बुधबार, ०७ बैशाख २०७९, १२ : २४
लेखकबाट थप
सम्बन्धित समाचारहरु
कतार र बहराइनबीच कूटनीतिक सम्बन्ध स्थापनाको सहमति