हेटौंडा । स्थानीय तहको निर्वाचन नजिकिएसँगै मकवानपुरमा चुनावी माहोल तात्न थालेको छ । तर, पनि पाँच दलीय सत्तारुढ गठबन्धनको उम्मेदवारको अझैसम्म पनि टुंगो लाग्न सकेको छ्रैन ।
गठबन्धनका दलहरूले हेटौंडा उपमहानगरपालिकाको प्रमुखको लागि आआफ्नो दाबीसहित उम्मेदवारको नाम सिफारिस गर्न थालेका छन् । सत्ता गठबन्धनका दलहरूले मेयर पदका लागि अडान नछाडेपछि अझैसम्म उम्मेदवार टुंगो लगाउन नसकिएको हो ।
नेकपा एकिकृत समाजवादीले आइतबार मेयर पदको लागि दुई जनाको नाम सिफारिस गरेको छ भने नेपाली कांग्रेसले पनि सोमबार मेयर र उपमेयर पदका लागि तीन/तीन जनाको नाम सिफारिस गरेको छ ।
नेकपा एसले हालकी उपमेयर मीना कुमारी लामा र एकीकृत समाजवादी मकवानपुरका अध्यक्ष श्रीधर पोखरेललाई मेयरमा उम्मेदवार बनाउन सिफारिस गरेको हो । अघिल्लो पटक एमालले जितेको स्थानमा समाजवादीले दाबी गरिरहेको छ । समाजवादीले हेटौंडाका १९ वटै वडाको अध्यक्षहरूमा पनि नाम सिफारिस गरेको छ ।
कांग्रेस हेटौंडा उपमहानगर समितिले हेटौंडाको मेयरमा आनन्दराम पराजुली, उत्सव इटेनी र लक्ष्मी श्रेष्ठको नाम सिफारिस गरेको छ भने उपमेयरमा अमृता थापा, इन्दिरा न्यौपाने र तारा राई कार्कीको नाम सिफारिस गरेको छ ।
गठबन्धनको टुंगो लागिसकेपछि कांग्रेस जिल्ला कार्यसमितिले केन्द्रमा सिफारिस गर्ने नेपाली कांग्रेस मकवानपुरका सभापति बुद्ध लामाले बताए । केही दिनमा नै उम्मेदवारको टुंगो लगाउने उनको भनाइ छ । नेकपा माओवादीले भने आफ्नो तर्फबाट मेयर तथा उपमेयरको नाम सिफारिस गरेको छैन ।
प्रतिक्रिया दिनुहोस
सफल खबर संवाददाता
सोमबार, ०५ बैशाख २०७९, १७ : ४०
लेखकबाट थप
सम्बन्धित समाचारहरु
हेटौँडा सडक विस्तारमा व्यवसायीसँग मुख्यमन्त्री जम्कट्टेलले मागे सहयोग
हेटौँडा–ढल्केबर–इनरुवा ४०० केभी प्रसारण लाइनको तार तान्ने काम धमाधम
सामूहिक राजीनामा दिने हेटौंडाका चिकित्सकको चेतावनी
हेटौँडामा आज प्रधानमन्त्रीसहित शीर्ष नेताले सम्बोधन गर्ने