सुनको मुल्य बढ्यो,कति पुग्यो तोलाको ?

काठमाडौँ । नेपाली बजारमा आज सुनचाँदीको मूल्य बढेको छ । 

नेपाल सुनचाँदी व्यवसायी महासंघका अनुसार मंगलबार छापावाल सुनको भाउ तोलामा ८ सय रुपैयाँले बढेर एक लाख ९ सय रुपैयाँ कायम भएको छ । यसअघि सोमबार छापावाल सुन तोलाको एक लाख एक सय रुपैयाँमा कारोबार भएको थियो ।

तेजावी सुनको भाउ तोलाको एक लाख ४ सय रुपैयाँ निर्धारण भएको छ ।आज चाँदीको भाउ पनि बढेको छ । सोमबार एक हजार तीन सय ६५ रुपैयाँमा कारोबार भएको चाँदी मंगलबार तोलामा १५ रुपैयाँले बढेर १ हजार ३८०  रुपैयाँमा किनबेच भइरहेको महासंघले जनाएको छ ।