कोरोना अपडेट: थप २५० जनामा संक्रमण पुष्टि, ३ जनाको मृत्यु

काठमाडौं । पछिल्लो २४ घण्टामा मुलुकमा २५९ जना कोभिड बिरामी थपिएका छन् । स्वास्थ्य मन्त्रालयका अनुसार १० हजार ४८७ नमुना (६४७२ पीसीआर र ४०१५ एन्टीजेन) परीक्षण गर्दा ती संक्रमित थपिएका हुन् ।

३३७ जना निको भएका छन् भने ३ जनाको कोभिड संक्रमणले मृत्यु भएको छ । सक्रिय संक्रमित संख्या ५९९७ छ । शुक्रबारको दैनिक संक्रमण दर झन्डै ३ प्रतिशत छ ।

पछिल्लो २४ घण्टामा ३ लाख २९ हजार ३२१ डोज कोरोनाभाइरसविरुद्धको खोप लगाइएको छ ।कूल संक्रमित संख्या ९ लाख १९ हजार ५१४ छ । कूल मृत्यु ११ हजार ५५२ र कूल निको हुने संख्या ८ लाख ६ हजार छ । अहिले संस्थागत आइसोलेसनमा ९६ जना छन् । अहिलेसम्म २ करोड २ लाख जनाले कोरोनाविरुद्धको खोप लगाएका छन् ।