चितवन । कोरोना भाईरसका कारण करिव २ वर्षदेखि फुर्सदिला बनेका सौराहाका हात्तीहरु यतिबेला भने पर्यटकलाई जंगलमा सफारी गराउन ब्यस्त बनेका छन् । पर्यटक पिठ्युँमा बोकेर जंगल घुमाउने र पर्यटकलाई पर्यापर्यटनमा भरपुर आनन्द दिलाउन प्रयोग भएका हात्तीहरु कामविहीन हुँदा सौराहाका ब्यवसायीलाई हात्ती पाल्नै सकस भएकोे थियो ।
सौराहा घुम्न आउने विदेशी तथा स्वदेशी पर्यटक दुर्लभ एक सिङे गैंडालगायतका वन्यजन्तु अवलोकन गर्न हात्ती सफारी गर्छन् । एमाले महाधिवेशनसँगै आन्तरिक पर्यटककको चहलपहल सौराहमा हवात्तै बढेपछि हात्तीहरु कामकाजी बनेका छन् भने व्यवसायीहरुसमेत उत्साही बनेका छन् ।
पछिल्लो एक महिना यता सौराहमा आन्तरिक पर्यटक बढेको र यसले हात्तीहरु कामकाजी बनेपछि केही उत्साह जागेको होटल जंगल भिष्टाका सन्चालक ढुन्डीराज सिलवालले बताए । बिगतमा हात्ती पाल्न निकै सकस भएकोमा अब भने आशा जगाएको उनले बताए । २०५२ सालदेखी दुई वटा हात्ती पालेर सफारी गराउँदै आएका उनले कोरोनाका कारण कहिल्यै नभोगेको आर्थिक संकट भोग्न परेको बताए । सिलवालका अनुसार एउटा हात्ती पाल्न मासिक ६० हजार भन्दा बढी खर्च हुने गरेको छ । उनीसँग कान्छी र लक्ष्मीकली नामका दुई हात्ती छन् ।
एउटा हात्तीका लागि दिनमा घाँस, पराल, पचास लिटर पानी, २० केजी धान वा गहुँको कुची, एक किलो चना र एक पाउ नुनसहित सक्कखर आवश्यक पर्छ । पर्यटक बोकेपछि हात्तीले ब्यवसायीलाई ब्यवसायीक सफलता संगै लाखौँ आम्दानी पनि दिने गरेका छन् । हात्तीकै कारण सौराहाको पर्यटन व्यवसाय फस्टाएको हो । सौराहाको युनाइटेड हात्ती सञ्चालन सहकारी संस्था मातहत ३३ र बाहिर केही होटलको पनि १५ वटा जती हात्तीले पर्यटकलाई सफारी गराउने गरेको पर्यटन ब्यवसायी रमेश सिल्वालले बताए । यहा युनाइटेड हात्ती सञ्चालन सहकारी संस्था मार्फत पर्यटकलाई सफारी गराईने गरिएको उनको भनाई छ ।
सौराहामा धेरै जसो होटलले आफैँ हात्ती पालेका छन् भने कतिपय होटेलले सहकारीका हात्ती प्रयोग गर्दै आइरहेका छन् । व्यक्ति विशेषले पालेका निजी हात्तीहरू सहकारीमार्फत जंगलमा पर्यटक घुमाउन प्रयोग हुँदै आइरहेको छ । ब्यवसायीले हात्ति सफारी मार्फत मात्रै लाखौ रुपैया राजस्व समेत तिर्ने गरेको बताए । चितवनमा सौराहाका अलावा मेघौलीमा पनि हात्ती चढाएर पर्यटकलाई जंगल सफारी गराउने काम हुन्छ । यस्तै, नवलपुर जिल्लाको अमलटारीमा पनि हात्ती सफारी गराइन्छ ।
प्रतिक्रिया दिनुहोस
प्रकाश सिग्देल
बुधबार, २२ मंसिर २०७८, २० : २१
लेखकबाट थप
सम्बन्धित समाचारहरु
सौराहाको रोजगारी र आयको मुख्य स्रोत पर्यापर्यटन
सौराहामा स्थानीय तहका ‘असल अभ्यास’ आदान प्रदान कार्यक्रम सुरु
सौराहामा फुड फेस्टिभल सुरु
‘भ्यालेन्टाइन डे’को अवसरमा सौराहामा फुड फेष्टिवल हुने
सौराहामा हात्तीलाई वनभोज
‘अफ सिजन’मा पर्यटक आएपछि सौराहाका व्यवसायी उत्साहित