जाजरकोटमा यात्रुवाहक बस दुर्घटना : ५ जनाको मृत्यु, २७ घाईते

जाजरकोट । जाजरकोटमा यात्रुवाहक बस दुर्घटना हुँदा ५ जनाको मृत्यु भएको छ । २७ जना घाईते भएका छन् ।  आइतबार बिहान दुई बजे कुदु बराहचौकनजिकै उक्त बस दुर्घटनामा परेको हो । 

नेपालगन्जदेखि रुकुम पश्चिमको राडिबजार जाँदै गरेको ना ६ ख २७५७ नम्बरको रात्री बस भेरी नगरपालिका कुदु बराहचौकनजिक दुर्घटना हुँदा ५ जनाको घटनास्थलमै मृत्यु भएको हो । बस सडकभन्दा करिब १ सय ५० मिटर तल खसेको थियो ।

जाजरकोटका प्रहरीका अनुसार  बसमा ३२ जना यात्रु सवार थिए । घाइते रहेका २७ जनालाई प्रहरीले आफ्नै दुई वटा गाडीमा र अन्य बसमा उद्धार गरी जिल्ला अस्पताल जाजरकोटमा पु¥याएका हुन् । प्रहरीका अनुसार राति बस दुर्घटना भएका कारण उद्धारमा ढिलाई भएको थियो । दुर्घटनामा मृत्यु भएकाहरुको सनाखत हालसम्म हुन नसकेको प्रहरीले जनाएको छ ।